Monday, April 1, 2013
CHELSEA YAITWANGA MAN UNITED, YATINGA NUSU FAINALI FA CUP SASA KUIVAA MAN CITY
Chelsea imeituliza Man United kwa kuichapa bao 1-0 katika mechi ya robo fainali ya Kombe la FA iliyochezwa kwenye Uwanja wa Stamford Bridge jijini London, leo.
Bao la Chelsea lilipatikana katika dakika ya 49, mfungaji akiwa Mwafrika, Demba Ba ambaye aliunganisha pasi ya juu juu ya Juan Mata. Katika nusu fainali hiyo, Chelsea itawavaa jirani wa Man United, Manchester City.
Kwa ushindi huo, maana yake Chelsea imesonga hadi nusu fainali ya kombe la FA huku ikiondoa matumaini ya Man United kuendelea kuwemo katika kuwania kombe hilo lenye heshima nchini England.
Mechi ya kwanza iliyopigwa mjini Manchester, timu hizo zilimaliza dakika 90 kwa sare ya mabao 2-2, hivyo kila upande ulitaka ushindi lakini wageni Chelsea walionekana kuwa bora zaidi leo.
This post was written by: Author Name
Author description goes here. Author description goes here. Follow him on Twitter
Subscribe to:
Post Comments (Atom)
0 Responses to “CHELSEA YAITWANGA MAN UNITED, YATINGA NUSU FAINALI FA CUP SASA KUIVAA MAN CITY ”
Post a Comment
Ila tafadhali sana angalia usichafue hali ya hewa wala usijeruhi hisia za mtu/watu.